კრემლს ბევრი იარლიყი აქვს რეალური და გამოგონილი მტრებისთვის. ზოგს ნაცისტებს უწოდებენ. ზოგს კი — ჩრდილში მყოფ გლობალურ ელიტებს’. ხანდახან ბრიუსელის ბიუროკრატებსაც უტევენ. ხშირად პრო-კრემლისტური დეზინფორმაციის გამავრცელებელი პროპაგანდისტები ფსკერზეც ეშვებიან მოწინააღმდეგეთა დემონიზების მიზნით. კრემლმა ყველაფერი მკაფიოდ გამოხატა. ვინც რუსეთის შესახებ პუტინის ხედვას არ იზიარებს, ის, დიდი ალბათობით, LGBTIQ+ თემის ზნედაცემული მხარდამჭერია. კრემლის ხედვაში LGBTIQ+ ყოველთვის მორალური დეგრადაციის სინონიმს წარმოადგენს.
LGBTIQ+ პირების ცილისწამება პოლიტიკაში ჩართულობის გამო კრემლისტური დეზინფორმაციისთვის შესაფერისი მეთოდია. პუტინი, დიდი ხანია, თავს გვასაღებს(opens in a new tab) მსოფლიოში „ტრადიციული ღირებულებების“ დამცველად. წარსულში, მან უმეცრებით ჰომოსექსუალობა პედოფილიას გაუთანაბრა(opens in a new tab). ამასთან, სამოქალაქო უფლებების არმქონეთა და უმცირესობების ექსპლუატაცია კრემლისტური დეზინფორმაციის სახელმძღვანელოს ხშირად გამოყენებული ტაქტიკაა. მაგალითად, პრო-კრემლისტური პროპაგანდისტები, ერთის მხრივ, გამუდმებით აძაგებენ მიგრანტებს და ამასთანავე ადანაშაულებენ სხვებს მათთან არასათანადო მოპყრობაში — კონტექსტისა და რუსეთის მიზნების მიხედვით.
რამდენიმე მეთოდი არსებობს, რომელთა მეშვეობითაც პრო-კრემლისტური მედია და მოლაპარაკე თავები ნერგავენ შიშს, სიძულვილსა და უმეცრებას, რათა ხელი შეუწყონ LGBTIQ+ თემის გარშემო არსებული საშიში სტერეოტიპების გაძლიერებას. ქვემოთ განვიხილავთ სამ ყველაზე ხშირად გამოყენებულ მეთოდს. გაფრთხილება: ზოგიერთი მაგალითი საკმაოდ ექსტრემალურია.
ყველაზე გავრცელებული ანტი-LGBTIQ+ დეზინფორმაციული ნარატივის მიხედვით, დასავლეთი ცდილობს, ყველაფრის ფასად, დაანგრიოს ყველაფერი მორალური „LGBTIQ+ დღის წესრიგის“ წახალისებით. „დასავლელი ეშმაკები“, რომლებიც პოპულარიზაციას უწევენ ამ დღის წესრიგს თუ „(გენდერულ/ LGBTIQ+) იდეოლოგიას“, მოიცავს ევროკავშირის ოფიციალურ წარმომადგენლებს(opens in a new tab), ევროკავშირის ინსტიტუტებს(opens in a new tab), დასავლურ კულტურას(opens in a new tab), გაერთიანებული ერების ორგანიზაციას(opens in a new tab), „McDonald’s“-ს(opens in a new tab), ჯორჯ სოროსს(opens in a new tab), ფემინისტებს(opens in a new tab), ბარბის(opens in a new tab) და სხვა აქტორებს
თუმცა პრო-კრემლისტური კომენტატორები არასდროს იძლევიან ზუსტ განმარტებას, თუ რას მოიცავს ეს დღის წესრიგი თუ იდეოლოგია. ხშირად, ამგვარი „დღის წესრიგის“ თემას პედოფილიასთან უხეში ასოციაციის გამოწვევის მიზნით იყენებენ. ბუნდოვანებას თავისი მიზანი აქვს. ტერმინების განმარტების ბუნდოვნად დატოვება მკითხველში ბნელი წარმოსახვების მობილიზაციას იწვევს..
ამგვარი ნარატივის ქვეტექსტი კი ის არის, რომ LGBTIQ+ თემის დევნისგან დაცვით ევროკავშირი ცდილობს იმ „ტრადიციული ღირებულებების“ განადგურებას, რაზედაც, თავის დროს, ის იყო დაფუძნებული. ზოგიერთი პრო-კრემლისტური მედია ამტკიცებს(opens in a new tab), რომ ევროკავშირს სურს, „ქრისტიანობის მოშლა“ — ისლამოფობიასთან, რასიზმთან, ჰომოფობიასთან და ანტისემიტიზმთან ბრძოლის ნებისმიერ ძალისხმევას ანტი-ქრისტიანულ პოლიტიკასთან აიგივებს, რაც, სავარაუდოდ, ბევრ ქრისტიანს შეურაცხყოფს. ზოგჯერ, LGBTIQ+ თემს კრიმინალთან და ნარკოტიკების მოხმარებასთან აკავშირებენ(opens in a new tab).
გარდა ამისა, არადასავლურ ქვეყნებში, მეტწილად აფრიკაში, წარმოდგენილი პრო-კრემლისტური მედიები ხშირად თავს ასაღებენ მათ დასავლური ცისარტყელას შემოტევისგან დამცველებად. კრემლისთვის LGBTIQ+ თემის თანაბარუფლებიანობის მხარდაჭერა გარკვეულწილად ადგენს „გეიევროპულ“(opens in a new tab) ნეო-კოლონიალიზმს — მორალურობისგან დაცლილი დასავლეთის მიერ კოლონიზაციის ფორმას.
„ნეო-კოლონიალიზმში“ დადანაშაულება ხშირად იღებს დადანაშაულების(opens in a new tab) იმგვარ ფორმაში, რომელიც დასავლურ ქვეყნებს სურთ, რომ აფრიკამ გადაიღოს „გეი უფლებების“ შესახებ — მარტივი იდეის უგულებელყოფა, რომ LGBTIQ+ უფლებები ადამიანთა უფლებების განუყოფელი ნაწილია. პრო-კრემლისტური დეზინფორმაციული მედია ხშირად მზად არის, გააძლიეროს(opens in a new tab) ნებისმიერი ჰომოფობიური ნარატივი „ტრადიციული ღირებულებების“ დაცვის მოტივით და გაავრცელოს უსაფუძვლო ბრალდებები და შეთქმულების თეორიები დასავლური გაერთიანებების, მათ შორის, NATO-ს(opens in a new tab), წინააღმდეგ.
ზოგიერთი პრო-კრემლისტური მედია საშუალება, ასევე, ღიად ეწევა LGBTIQ+ ადამიანების დემონიზებას, თითქოს ისინი ტრადიციული საზოგადოებებისთვის, მათი რელიგიური ღირებულებების და ბავშვებისთვის საფრთხეს წარმოადგენენ. სხვები, მაგალითად, საერთაშორისოდ ცნობილი, რეპუტაციაშელახული პროპაგანდისტული მედიასაშუალება RT(opens in a new tab), ცდილობს, მოერიდოს მსგავსი ნარატივის გავრცელებას, შედარებით უფრო გათვითცნობიერებული აუდიტორიის დაკარგვის შიშით.
სანაცვლოდ, ისინი ამწვავებენ და კაპიტალიზებას ახდენენ ე.წ. „კულტურული ომის“ საკითხებზე, კერძოდ, აძაგებენ და დევნიან ტრანსგენდერ ადამიანებს, როგორც საფრთხეს ბავშვებისა(opens in a new tab) და მამაკაცებისთვის/ქალებისთვის(opens in a new tab), როგორც სქესისთვის.
თავდასხმის კიდევ ერთი ხაზია მტკიცება, რომ ტრანსგენდერი ადამიანები და „LGBTIQ+/გენდერული იდეოლოგია“ გამოიწვევს ოჯახის ფენომენის განადგურებას. მაგალითად, პრო-კრემლისტური მედია საშუალება, რომლის სამიზნეა იტალიის აუდიტორია, ამტკიცებს(opens in a new tab), რომ ტერმინებმა „მშობელი #1“ და “მშობელი #2“ ჩაანაცვლა დედა და მამა, ტრადიციული ოჯახური ღირებულებების დანგრევის მიზნით. პრო-კრემლისტური მედიასაშუალებები ამ დეზინფორმაციულ ნარატივს LGBTIQ+ თემის შესახებ თუთიყუშივით იმეორებს, რაც თავად პუტინმაც განაცხადა(opens in a new tab) რამდენიმე თვის წინ.
„კულტურული ომის“ თემებზე პრო-კრემლისტური მედიასაშუალებები შიდა აუდიტორიებისთვისაც აპელირებენ, თუმცა ხშირად უფრო უხეში ფორმით. სასარგებლო წესია, რომ ყველა, ვინც უფრო უახლოვდება კრემლს, უფრო დაუფარავად გამოხატავს სიძულვილს LGBTIQ+ ადამიანების მიმართ. გავიხსენოთ „არგუმენტებისა და ფაქტების“ (Аргументы и факты), მოსკოვის მთავრობის მფლობელობაში არსებული ტაბლოიდის, მაგალითი, რომელიც ამტკიცებდა(opens in a new tab), რომ კანადაში ბავშვებს აიძულებენ სქესის შეცვლას და „ყველაფრის მოჭრას, რაც აბიათ“. ამგვარი პირდაპირი ენით ერთი გასროლით ორ კურდღელს კლავენ. ის ხელს უწყობს, როგორც LGBTIQ+ თემის დემონიზებას, ისე დასავლეთის „პერვერტად“ წარმოჩენას.
პრო-კრემლისტური კომენტატორები იშვიათად უშვებენ ხელიდან რუსეთისა და პუტინის ტრადიციული ღირებულებების დამცველად წარმოჩენის შესაძლებლობას. რუსეთის მთავრობის მიერ მართულმა მედიასაშუალებებმა ფართოდ(opens in a new tab) გაავრცელეს(opens in a new tab) პუტინის მიერ სქესის შეცვლის ქირურგიული ჩარევის აკრძალვის კანონზე ხელმოწერა და დაუსრულებლად აქეს(opens in a new tab) რუსეთის სახელმწიფო „LGBTIQ+ დღის წესრიგისგან“ რუსული საზოგადოების განწმენდის მცდელობის გამო.
პრო-კრემლისტური მედიასაშუალებები, ასევე, რუსეთს წარმოაჩენენ „ტრადიციული ღირებულებების“ დამცველად, რისთვისაც მოჰყვათ მტკიცება, რომ შეწუხებული(opens in a new tab) დასავლელები(opens in a new tab) რუსეთში გადადიან საცხოვრებლად, LGBTIQ+ დღის წესრიგისგან თავის დაღწევის მიზნით. ზოგიერთი მათგანი LGBTIQ+ თემებს ტოტალიტარიზმსაც კი უკავშირებს(opens in a new tab) და აცხადებს, რომ რუსეთი ებრძვის „გლობალურ ტოტალიტარიზმს“, რაც გამოიხატება LGBTIQ+ თემის მხარდამჭერი პოლიტიკის გატარებაში.
პრო-კრემლისტური პროპაგანდისტები უკრაინაში ომს — რუსეთის სრულმასშტაბიან შეჭრას — მორალური ბრძოლის ნაწილად განიხილავენ. ამდენად ბნელ და პარანოიდულ ხედვაში, ნაცისტები და LGBTIQ+ ადამიანები გათანაბრებული არიან, ხოლო ბელარუსული პროპაგანდა რეჟიმის მოწინააღმდეგეებს იხსენიებს(opens in a new tab), როგორც „ჰომო-ფაშისტურ არარაობებს“. უფრო მეტიც, ზოგიერთი პრო-კრემლისტური მედიასაშუალება ამტკიცებდა(opens in a new tab), რომ ომი მიმდინარეობს მათ შორის, რომლებიც ამაყად მხარს უჭერენ მასკულინურობას (რუსეთი) და რომელთაც სურთ მორალურობისგან დაცლილი LGBTIQ+ ადამიანები მსოფლიოს სათავეში (უკრაინა და მისი მხარდამჭერები).
პრო-კრემლისტური მედია საშუალებები, რომელთა სამიზნე უკრაინაა, არასდროს იღლება უკრაინელი ტრანსგენდერი ჯარისკაცის დაცინვით(opens in a new tab) — მათ ტერმინებიც კი დანერგეს საზოგადოებაში: „მახინჯი სოდომისტი“ და „უკრაინის სიმბოლო“. დეზინფორმაციის გამავრცელებლები, ასევე, ირწმუნებიან(opens in a new tab), რომ 50 000 LGBTIQ+ ადამიანი იბრძვის უკრაინის არმიაში, რასაც „უკრაინული საზოგადოების დეგრადაციად“ წარმოაჩენენ.
არცერთ ამგვარ დეზინფორმაციას არაფერი აქვს საერთო რეალობასთან. პირიქით, ისინი კრემლის რეალურ „ღირებულებებს“ და კონსპირაციულ ფიქრებს წარმოაჩენს. შედეგად ჩნდება დატყვევებული აზროვნება, რომლის გისოსებიც უფრო ძლიერია, რადგან პატიმრები თავად აგებენ მათ.
კრემლის და სხვა აქტორების მიერ LGBTIQ+ თემის წინააღმდეგ გამოყენებული ნარატივების უკეთ გასაგებად გაეცანით ჩვენს ბოლო ანგარიშს: საგარეო ინფორმაციით მანიპულაცია და ჩარევა (FIMI) LGBTIQ+ ადამიანთა წინააღმდეგ: ადამიანთა უფლებების და მრავალფეროვნების დაცვისთვის საჭირო ანალიზი(opens in a new tab). აღნიშნული ანგარიში პირველი დოკუმენტია, რომელიც FIMI-სა და უშუალოდ LGBTIQ+ ადამიანების ურთიერთკავშირზე მომზადდა და მოიცავს FIMI-ს შემთხვევებს მთელი მსოფლიოდან. მისი მიზანია თავდაცვის პოზიციაში მყოფი საზოგადოებების დახმარება, რომ უკეთ გაიგონ FIMI-ს არსი, გაეცნონ ტაქტიკებს, მეთოდებსა და პროცედურებს (TTP), რომლებიც გამოიყენება LGBTIQ+ თემის წინააღმდეგ და ადეკვატურად უპასუხონ მათ.
სტატიის ორიგინალი ხელმისაწვდომია EUvsDisinfo-ს ვებგვერდზე.
